Sponsored Links
A B C D E F G H I J K L M N O P Q R S T U V W X Y Z #

Kam-Lie Lyrics

By Cro Cro

Cro Cro - Kam-Lie - Lyrics Dimanche Gras 2011

When I use to tell all yuh, all yuh
Say was race, now,
Not one ah dem Ministers, could watch
Meh straight in meh face,
Is ah set ah , 'I doh know' inaccuracies
And lies,
Ah watchin dese, dishonest men, dress
Up with jacket and tie,
Sandy say that Reshmii, she have ah
Degree,
he say how she qualify, I know that he
Lie,
He say she went UWI and have ah PHD
Deh feel deh could fool somebody, lyin
Openly,
Moonlilal say, she workin long time
Kamla say 6, Sandy say 9,
All dem people should ah re-sign, for
Givin de nation ah 6 fuh ah 9
Rowley say that she is ah cork, move
From de bottom straight to the top
All ah dem people should ah re-sign
Fuh givin de nation ah 6 for ah 9.

Dem start tuh lie like ah crook, tuh
Get off de hook,
Till, somebody put he and Reshmi, picture
On de Facebook,
Dis big old bald headed man could, be dem
2 lil gyal fadda,
Is Andy Johnson stop de reporter, when he
Ask him about Sasha,
Dem say he ain't know sheee, nor she family
As soon as he blink he eye, ah know that
He lie,
How, he know she went UWI, and have ah PHD
Deh feel deh could fool somebody, lyin
Openly,
Is ah love circle my mind is bent, ah 45
Thousand appointment,
De whole ah dese peopel shoulda re-sign
For givin de nation ah 6 fuh ah 9,
So much ah lyin in de SSA, nobody ain't ha
Nuttin tuh say,
All ah dem people should ah re-sign
Fuh givin dis nation ah 6 for ah 9.

Reshmi know that she get catch, she know
Wah she do,
So, all ah dem who help she, ah find dem
Should ah realise too,
If it was de PNM, oh lawdd! Yuh would ah
Hear ting!
Anil Roberts with he dribblin mouth, would ah
Half kill partrick Manning,
Witness say that Reshmiii, she have ah degree
Deh say that she qualify, ah know that deh
Lie,
Deh say she went UWI and have ah PHD, deh
Feel deh could fool somebody lyin openly
Moonlilal say, she workin long time
Kamla say 6, Sandy say is 9,
All dem people should ah re-sign, fuh
Givin de nation ah 6 fuh ah 9
All ah dem say how de gyal *** and how she
Ain't ha nuttin instead,
**** people should ah re-sign fuh givin
De nation ah 6 for ah 9.


Sponsored links

Lyrics submitted by on Aug 28, 2014 .

Join Us On Facebook

Please Wait 10 Seconds...!!!Skip
Sponsored links