Sponsored Links
A B C D E F G H I J K L M N O P Q R S T U V W X Y Z #

None Fuh Yuh (2011 Parang) Lyrics

By Rem Bunction

RemBunction - None fuh Yuh - Lyrics

Intro
Ah yes man
Christmas is ah time fuh givin
And sharin, goodwill to all men
Except fuh you,
Yeah as ah was sayin
Ah time to forgive and, eh was is dat
Or, na, na, na, none fuh you
You need tuh cool it.

Verse 1
We workin de same company
Whn ah say Good Morning, you doh even
Answer me
Fuh yuh Carnival lime, yuh never invite me
Yuh does do meh dat all de time
But yuh come my Christmas party
Front gate open you appear
Who de hell invite yuh here
Yuh in here dancin tuh parang beat
Askin fuh pastel and prok meat
You not gettin ah damn ting tuh eat.

Chorus
None fuh yuh, hahahahahaha!
None fuh yuh, none fuh yuh
Just so yuh intrude, none fuh yuh
And you find I rude, none fuh yuh
You nuh gettin no food.

Verse 2
When we limin with de fac
Ah soon as ah leave yuh does bad talk
Behind meh back,
So long ah lend yuh money
But everytime ah ask fuh it
Yuh does start tuh duck meh
Now yuh claim yuh gettin gas pain
And yuh runnin by de bar mixin scotch and club soda
All dese years yuh treat meh stink
But yuh glass filled tuh de brim
Look man gimme back dat bloomin drink.

Chorus
None fuh yuh, none fuh yuh
None fuh yuh, ah find yuh too fass
None fuh yuh, jus gimme de glass
None fuh yuh, and move lemme pass
Doh take meh fuh no....

Well yes de parang music sweet
But you cyah get nothin to eat
I am not ah probobolee
So yuh not eatin fuh free
Doh ask meh fuh some, not even ah crumb
Doh start actin dumb, you aint gettin none.

Yuh do so much tuh spite me
And yuh stole meh party to add insult tuh injury
Stop sayin yuh belly gripin
If yuh belly hurtin de parang headache slunk it
Time fuh black cake and ham
Yuh make ah dash the grab de platter
Slip and fall de chow-chow splatter
All meh guest watchin what ah disgrace
Chow-chow and pepper all over yuh face man
Take ah napkin and jus get out meh place.

Chorus
None fuh yuh, none fuh yuh
None fuh yuh, jus leave meh in peace
None fuh yuh,
None fuh yuh, make de ambulance reach
Yuh lucky I ain't call de police...

Well yes de parang music sweet
But you cyah get nothin to eat
Well I am not ah probobolee
And so yuh not eatin fuh free
Doh ask meh fuh some, not even ah crumb
Doh start actin dumb, you aint gettin none.

Oohh goooodd
It all came back tuh bite me, because after de party
Ah was feelin so spicy
Ah gone to love up wifey, pour two glass ah wine
Thinkin every ting was fine..
Yuh know she throw meh out de bedroom boy
She say yuh treat him like ah louse
Kick de man out ah we house
At Christmas you cyah act like dis
And then expect mantip this..
You not even gettin ah kiss
None fuh yuh!
But wah trouble is dis?

Leh we meet up

So leh we meet up well leh we meet up
And eat up, wah we go eat up
Well leh we link up, yeah we go link up
And drink up,
Knock ah bottle and spoon and tune some tune
In the light, in de night, sun and de moon
Meet up, we go meet up
Doh beat up.
Rembunctionnnnnnnn!!


Sponsored links

Lyrics submitted by on Dec 21, 2013 .

Join Us On Facebook

Please Wait 10 Seconds...!!!Skip
Sponsored links